राम मंदिराबद्दल पोस्ट केल्यानंतर धमक्या ; क्रिकेटपटू शमीच्या पत्नीची पोलिस सुरक्षेची मागणी

भारतीय क्रिकेट संघाचा वेगवान गोलंदाज मोहम्मद शमीची पत्नी हसीन जहांने कोलकाता उच्च न्यायालयात स्वत: साठी अतिरिक्त सुरक्षा देण्याची मागणी केली आहे. हसीन जहांने राम मंदिर निर्मितीसंदर्भात सोशल मीडियावर एक पोस्ट शेअर केले होते. त्याबाबत अज्ञातांकडून धमकी मिळत असल्याचे म्हणत, हसीन जहांने कोलकाता उच्च न्यायालयात आपली मुलगी व स्वत:च्या संरक्षणासाठी याचिका दाखल केली आहे. 

अयोध्या मधील राम मंदिराच्या भूमीपूजनानंतर हसीन जहांने सोशल मीडियावर शुभेच्या दिल्या होत्या. यामुळे हसीन जहांला कट्टरतावाद्यांचा रागदेखील सहन करावा लागला होता. मात्र त्या पोस्टनंतर आपल्याला बलात्काराच्या धमक्याही मिळत असल्याचा आरोप हसीनने केला होता. व त्यासाठी हसीन जहांने 9 ऑगस्ट रोजी पोलिसात तक्रार देखील दाखल केली होती. परंतु या तक्रारीवर कोणतीच कारवाई झाली नसल्याचा आरोप हसीनने केला असून, आता कोलकाता उच्च न्यायालयात संरक्षणासाठी याचिका दाखल केली आहे. 

Cricketer Md Shami's estranged wife Hasin Jahan files plea before Calcutta HC, demanding security for herself & her daughter. Petition alleges police inaction on her 9 Aug complaint of receiving threats over a social media post on Ram Mandir. Matter likely to be heard next week.

— ANI (@ANI) September 14, 2020

हसीन जहांने सोशल मीडियावर राम मंदिर बाबत दिलेल्या शुभेच्या नंतर ट्रोलिंगला सामोरे जावे लागले होते. परंतु बलात्काराची धमकी आल्यानंतर तिने पंतप्रधान नरेंद्र मोदींकडे मदतीची विनंती केली होती. हसीन जहांने केलेल्या याचिकेवर पुढील आठवड्यात कोलकाता उच्च न्यायालयात सुनावणी होऊ शकेल. 

 

 

 

 

View this post on Instagram

 

 

 

 

 

 

 

 

 

श्री राम मंदिर के भूमि पूजन की सभी को मुबारकबाद,और अब सब देशवासियों को मिलजुलकर भाईचारे के संकल्प के साथ,देश को विश्व शक्ति बनाना है।ईनशाअल्लाह

A post shared by hasin jahan (@hasinjahanofficial) on Aug 5, 2020 at 9:58am PDT

यापूर्वी हसीन जहांने आपण पश्चिम बंगालमध्ये असल्यामुळेच सुरक्षित असल्याचे म्हटले होते. परस्पर वादामुळे मोहम्मद शमी आणि हसीन हे वेगळे राहत आहेत. हसीन जहां सध्या पश्चिम बंगालमध्ये आपल्या नातेवाईकांकडे राहत आहे.